ملاقات ہو نہ ہو

ملاقاتوں کا سلسلہ تو رہا ہی نہیں
روبرو گفتگو کا تو معاملہ ہی نہیں

آنکھ اٹھتی تو آپ جھک جاتی تھی
محسوس قربتوں کو کبھی کیا ہی نہیں

شرط اول ہے پاکیزگی محبّت میں
نام لبوں سے کبھی انکے ادا ہوا ہی نہیں

جو بغلگیر ہوۓ پھرتے ہیں یوں جابجا
سچ کہتی ہوں وہ محبّت سے آشنا ہی نہیں

ملاقات کے نام پر جو ہوس پرستی ہے
پامال تقدس ہے کچھ اس کے سوا بھی نہیں

تہذیب و اقدار سے جو اپنی خوب واقف ہو
انتشار جذبات کا شکار کبھی ہوا ہی نہیں

طوفانوں سی محبّت سب بہا لے جاتیں ہیں
پھر بعد طغیانی پاس کچھ بچتا ہی نہیں

دلوں کا رابطہ دعاؤں سے سدا استوار رہتا ہے
ملاقات ہو نہ ہو فرق کوئی پڑتا ہی نہیں