ملی یہ زندگی ہم کو بڑی نعمت خدا کی ہے

ملی یہ زندگی ہم کو بڑی نعمت خدا کی ہے
تو حق اِس کا ادا کرنا اِسی میں ہی بھلائی ہے

رہیں جو حق پہ ہی قائم تو نہ ڈر ہو زمانے کا
ڈرے تو وہ نظر اسباب پر جس نے جمائی ہے

خدا کی یاد سے غافل ہے رہنا سخت محرومی
تو منشائے خداوندی میں اپنی کامیابی ہے

خدا کا ہی ہو استحضارہر دم رات ہو یا دن
اٌسی سے زندگی میں سب نے آسانی ہی پائی ہے

ہمیشہ اثر کو بس آخرت کی فکر لاحق ہو
وہاں کا عیش لافانی یہاں کا عیش فانی ہے