میرے احساس کو روح کو چھو کے دیکھو

میرے احساس کو روح کو چھو کے دیکھو
ستاروں پہ چلنے والے زمیں پہ چل کے دیکھو

تاریکیوں میں گم ہے کوئی کس طرح
کسی کے اندھیرے میں روشنی کر کے دیکھو

گم سم فضاؤں کی خاموشیوں میں
نغمے چھیڑو کچھ گنگنا کے دیکھو

چاند کی زیبائی کا منظر دیکھنے والے
کبھی اماوس کی رات میں جاگ کے دیکھو

کچھ کو مل جاتا ہے بن مانگے ہی
کبھی محرومیوں میں آرزو کر کے دیکھو

دل توڑنا ہے بہت آسان کام
بن کے دل کسی کا کبھی ٹوٹ کے دیکھو

ٹوٹے ہوئے کانچ کتنے زخم دیتے ہیں
کسی دل کے ٹوٹے کانچ پہ چل کے دیکھو

چاہتوں کے موسم میں نفرتوں کی آگ میں
کبھی اپنا بھی دل جلا کے دیکھو