میں ایسا ہوں اور ایسا ہی ہوں

میں ایسا ہوں اور ایسا ہی ہوں
میں جیسا ہوں بس ویسا ہی ہوں

میں جانا پہچانا ہوں لیکن
سب کو انجانا ہی لگتا ہوں

سب مجھ کو اپنا کہتے ہیں پر
میں سب سے بیگانہ رہتا ہوں

جو مجھ سے ملنا ہی نہ چاہے
میں اس سے ہی ملنا چاہتا ہوں

جو میرے آگے پیچھے ہو لے
میں اس کے ہی پاس نہ آؤں

سب کی نظروں میں رہ کر بھی
میں کسی کے سامنے آ نہ پاؤں

میں ہنستے ہنستے رو دیتا ہوں
اور روتے روتے ہنستا بھی ہوں

اچھا ہوں برا ہوں کیسا بھی ہوں
جو جیسا سمجھے ویسا ہی ہوں

میں ایسا ہوں اور ایسا ہی ہوں
میں جیسا ہوں بس ویسا ہی ہوں