میں تم سے دور رہوں مجھ سے ہو نہیں سکتا (گیت )

میں تم سے دور رہوں مجھ سے ہو نہیں سکتا
تمھارا پیار کسی طور کھو نہیں سکتا

تمھارے بن ہے ادھورا سا میرا افسانہ
ہے زندگی یہ مری آج ایک ویرانہ

میں خار زیست میں کچھ اور بو نہیں سکتا
تمھارا پیار کسی طور کھو نہیں سکتا

کوئی بھی چیز جدائی میں مجھ کو بھاتی نہیں
تمھاری یاد ستاتی ہے نیند آتی نہیں

تمھارے غم میں مری جاں میں سو نہیں سکتا
تمھارا پیار کسی طور کھو نہیں سکتا

میں تم سے دور رہوں مجھ سے ہو نہیں سکتا
تمھارا پیار کسی طور کھو نہیں سکتا