میں نہیں تنہا کوئی رہتا ہے میرے پاس اب

میں نہیں تنہا کوئی رہتا ہے میرے پاس اب
اک عجب اپنائیت کا ہوتا ہے احساس اب

خواب پھر سے کھل اٹھے اور اک نئی دنیا ملی
دھیرے دھیرے زندگی کی ہو رہی ہے آس اب

جانے کیوں لگتا ہے میں اور وہ سدا سے ایک ہیں
روح میں گھلنے لگا ہے یہ نیا احساس اب

چوٹ دل پر جو لگے تو مسکرا اٹھتی ہوں میں
ایسا لگتا ہے کہ غم آنے لگے ہیں راس اب

کم نہیں ہوتی ہے اب تو اس نظر کی تشنگی
ایک بس اس کو ہی تکنے کی مجھے ہے آس اب

چاند دیکھوں تو لگے وہ یاد کرتے ہیں ہمیں
پھولوں سے بھی آ رہی ہے اس کی ہی تو باس اب