ناراضگی سے کہہ دو، ھم مانتے نہیں

ناراضگی سے کہہ دو، ھم مانتے نہیں
ھوتی ھیں اُلفتیں کیا، ھم جانتے نہیں

تیّار کون ھے یاں، ترکِ جہاں کو یارو
آئی قضا کو لیکن، ھم ٹالتے نہیں

ھم جانتے ھیں آگے، میزان میں ھے کیا
لیکن یہ خاکِ دُنیا، ھم چھانتے نہیں

جس راہ کو ھم نے سینچا، خونِ جگرسے دیکھو
اُس راہ کے تو مسافر، ھمیں جانتے نہیں

یومُ التّناد کوتو، کہہ دیں گے سب نبی بھی
ھوتی ھیں اُمتیں کیا؟ ھم جانتے نہیں

میرا شفیعؐ تو لوگو، کہہ دے گا یہ خدا سے
بیٹھے ھیں رُوٹھے یاں اب، ھم مانتے نہیں

جن راہزنوں نے پَل پَل، برسوں تھا ھم کو لُوٹا
وہ راھزن بھی ھم کو، اَب جانتے نہیں

کیا خوب ھے یہ برگشتہِ طالعیِ زماں کی
ایاز بھی مَحمود کو، اب جانتے نہیں