نہ تم میرے قریب ہو نہ میں تمہارے پاس ہوں

نہ تم میرے قریب ہو نہ میں تمہارے پاس ہوں
اسی لئے تم خوش نہیں میں بھی بہت اداس ہوں

تمہاری آنکھوں میں دیکھا ہے تو ایسا معلوم ہوا
تم ہو جیسے میرے لئے، تمہارے لئے میں خاص ہوں

ہم دونوں اک دوجے سے کیونکر جدا ہو پائیں گے
تم ہو میرا مرکز اور میں تمہاری اساس ہوں

برسوں سے خوابیدہ ہے جو اپنے دل کے اندر
تم وہ ہی احساس ہو، میں وہ ہی احساس ہوں

عظمٰی نام لیا جائے گا میرا ان کے ساتھ
وہ میرا اعزاز ہیں میں انکے لئے سپاس ہوں