وہ دن بھی جلد ہی آئے گا دیکھنا چشتی

وہ دن بھی جلد ہی آئے گا دیکھنا چشتی
تجھے رلا کے میں ہو جاؤں گا جدا چشتی

نہ جانے کیوں اسے بھاتا نہیں مرا ہونا
نہیں ہے جس سے مرا کوئی واسطہ چشتی

وہ بات کیا ہے جو تم کو اداس رکھتی ہے
مجھے بتا ؤ میں ہمراز ہوں ترا چشتی

یہ میرا وعدہ ہے میں خود کو راکھ کر دوں گا
نہ مٹ سکے گا دلوں کا جو فاصلہ چشتی

کسی نے پوچھا کہ انسان کس کو کہتے ہیں
ترا ہی نام لیا میں نے بارہا چشتی

یہ بات اور کہ منکر ہیں اپنی ذات کے ہم
وہی جو تیرا خدا ہے وہی مرا چشتی


یہ میرا وعدہ ہے میں خود کو راکھ کر دوں گا
نہ مٹ سکے گا دلوں کا جو فاصلہ چشتی

وہ شخص تیرا نہیں تھا تو بھول جا اس کو
میں سر سے پاؤں تک تیرا ہوں بس ترا چشتی

میں یاد آؤں گا تجھ کو اداس راتوں میں
رکھے گا نام مرا پھر تو بے وفا چشتی