چاند نکلا اور فلک
Poet: Dr.Waqar Zaidi By: Dr.Waqar Zaidi, Karachiچاند نکلا اور فلک پر ضو فشاں ہونے لگا
درد یادوں کا بڑھا اور بے کراں ہونے لگا
صحن گلشن سے صبا چپکے سے گزری تھی کبھی
اور مجھے تیرے ہی آنے کا گماں ہونے لگا
ہو گئے برہم وہ مجھ سے زلف برہم کی طرح
ہر نفس میرے لیے بار گراں ہونے لگا
شدت غم کا مری کچھ تجھ کو اندازہ نہیں
دل سے نکلا اشک آنکھوں سے عیاں ہونے لگا
دیکھ تیرے غم نے کیا کیا شکل کی ہے اختیار
آنکھ شعلہ سوچ پتھر دل دھواں ہونے لگا
آدمی نے کر دیا ہے تنگ حلقہ زیست کا
ذرہ ناچیز بڑھ کر آسماں ہونے لگا
رنگ ان کے چہرے پہ آتے رہے جاتے رہے
آخر آخر ان کو احساس زیاں ہونے لگا
اے وقار غم یہ تیری خوش نصیبی ہے کہ اب
اپنے غم کا ان کی محفل میں بیاں ہونے لگا
Rate it: 
Views: 589
04 Feb, 2009
More Love / Romantic Poetry
وہ پھول اپنی کتابوں میں رکھ کے بھول گیا وہ پھول اپنی کتابوں میں رکھ کے بھول گیا
میں اس کے نام کو باتوں میں رکھ کے بھول گیا
وہ ایک خواب جو آنکھوں میں پل رہا تھا کبھی
میں اس کو بند دریچوں میں رکھ کے بھول گیا
تری یادوں کے چراغوں کی روشنی لے کر
میں رات بھر کئی خوابوں میں رکھ کے بھول گیا
تری نگاہ کے نشّے کا کیا کروں آخر
میں دل کو تیری شرابوں میں رکھ کے بھول گیا
بتاؤ ان تری یادوں کا سلسلہ کیا ہے
میں اپنے آپ کو باتوں میں رکھ کے بھول گیا
وہ ایک خط جو محبت کی داستاں تھا کبھی
میں اس کو اپنی کتابوں میں رکھ کے بھول گیا
چھپائے رکھا تھا شہزاد دل میں مدت سے
میں اس کا ذکر بھی باتوں میں رکھ کے بھول گیا
میں اس کے نام کو باتوں میں رکھ کے بھول گیا
وہ ایک خواب جو آنکھوں میں پل رہا تھا کبھی
میں اس کو بند دریچوں میں رکھ کے بھول گیا
تری یادوں کے چراغوں کی روشنی لے کر
میں رات بھر کئی خوابوں میں رکھ کے بھول گیا
تری نگاہ کے نشّے کا کیا کروں آخر
میں دل کو تیری شرابوں میں رکھ کے بھول گیا
بتاؤ ان تری یادوں کا سلسلہ کیا ہے
میں اپنے آپ کو باتوں میں رکھ کے بھول گیا
وہ ایک خط جو محبت کی داستاں تھا کبھی
میں اس کو اپنی کتابوں میں رکھ کے بھول گیا
چھپائے رکھا تھا شہزاد دل میں مدت سے
میں اس کا ذکر بھی باتوں میں رکھ کے بھول گیا
Ab shahzad
