چمکتے ستارو

میرے وطن کے چمکتے ستارو
پھولوں بہاروں مہکتے نظارو

ابھی ابتدا ہے ابھی التجا ہے
ابھی تم سمندر میں ناؤ اتارو
میرے وطن کے چمکتے ستارو

ابھی ہم کو جانا ہے آگے سے آگے
سلجھنا ہبں باقی مقدر کے دھاگے

سنبھالو کمند اے فلک کے ستارو
میرے وطن کےچمکتے ستارو

ابھی اپنی منزل بہت دور ہے
ابھی کیوں تھکن سے بدن چور ہے

ابھی سے میری جان ہمت نہ ہارو
میرے وطن کےچمکتے ستارو

ناؤ بھنور سے نکالے کوئی
تمہیں غیر آکے سنبھالے کوئی

ممکن نہیں ہے سنو میرے پیارو
میرے وطن کےچمکتےستارو

تم ہی اب تو اپنا مقدر سنوارو
مدد کے لئے اپنے رب کو پکارو
میرے وطن کےچمکتے ستارو