کھلے ہیں شوق کے در، پھول بھی ہے خوشبو بھی

کھلےُ ہیں شوق کے دَر ، پھول بھی ہے خوشبو بھی
اب آ بھی جاوْ اِدھر ، پھول بھی ہے خوشبو بھی

لیا بہار نے بوسہ تمہارے قدموں کا
تمام راہ گزر پھول بھی ہے خوشبو بھی

بسی ہے یوں ترِی صورت ہماری آ نکھوں میں
جدھر جدھر ہے نظر ، پھوک بھی ہے خوشبو بھی

تمہارا ہاتھ جو آ ئے ہمارے ہاتھوں میں
تو زندگی کا سفر پھول بھی ہے خوشبو بھی

ہے مست مست ہوا ، تتلیوں کا رقص بھی ہے
کہ آج پیشِ نظر پھول بھی ہے خوشبو بھی

وفا کی راہ میں یہ کیا حسیں مقام آ یا
گزر رہی ہے سحر ، پھول بھی ہے خوشبو بھی

حسین تر ہے یہ اِعجاز تیرے نشتر کا
کہ زخم زخم جگر ، پھول بھی ہے خوشبو بھی

جو چوم لیں مرِے اشعار اُنکے ہونٹوں کو
تو شاعری کا ہنر ، پھول بھی ہے خوشبو بھی