ھمیں اپنا بنا کے تو دیکھو

 کبھی ربط الفت بڑ ھا کےتودیکھو
محبت مری آزما کے تو دیکھو

مثال محبت جہاں میں بنیں گے
ھمیں ذرا اپنا بنا کے تو دیکھو

زندگی کی راہوں میں گل بھی ملیں گے
کہ خار راہوں سے ہٹا کے تو دیکھو

ملیں گی نہ ڈھونڈے سے پھر نفرتیں یاں
اک دیا پیار کا جلا کے تو دیکھو

کبھی پا سکو گے نہ سکون دل کہیں
مجھے دل سے اپنے بھلا کے تو دیکھو

سجا دوں حنا کے حسیں رنگ سارے
کبھی ہاتھ اپنا بڑھا کے تو دیکھو

کٹھن لاکھ ہوں راہیں اپنے ملن کی
ھمیں ذرا دل سے بلا کے تو دیکھو

کہیں چھوڑ کر راہ دشوار پہ رہبر
مرا حوصلہ آزما کے تو دیکھو

معین مل رہیں گے ستارے بھی تم سے
کبھی دل بھی ھم سے ملا کے تو دیکھو