ہر دعا ان سنی رہ گئی

کیا عقیدت میں جانے کمی رہ گئی
میری ہر اک دعا ان سنی رہ گئی

بس اتھی بھی نہ تھی ، گر گئی پھر نقاب
دل کی حسرت دبی کی دبی رہ گئی

وہ ملے ، دیر تک خوب باتیں ھو ئیں
بس وہی ایک بات ان کہی رہ گئی

آںکھوں سے پونچھ تو ڈالے آنسو ، مگر
کیفیت شبنمی شبنمی رہ گئی

الوداع کہہ گیا کیا شریک حیا ت
موت بن کر مری زندگی رہ گئی

بس پڑی ہی تھی بے شرمیوں پر نظر
شرم سے پھر جھکی کی جھکی رہ گئی

ماں تھی ، اولاد کے سارے غم سہہ گئی
بس طبیعت ذرا چڑچری رہ گئی

اتنا اعلی تھا کردار اس کا ‘ حسن ‘
ساری دنیا جسے دیکھتی رہ گئی