ہمارے بعد جب سب سے ملو گے
Poet: Azra Naz By: Azra Naz, Reading UKہمارے بعد جب سب سے ملو گے
کہو تو کِس طرح با تیں کرو گے
بہت مشکل سے پھر تو جی سکو گے
اگر تمُ ساتھ میرا چھوڑ دو گے
کبھی ساون کی جب برسیں پھواریں
کہیں بیٹھے ہوۓ آہیں بھرو گے
کِسی محفل میں میرا نام سُن کر
یہ کیا کم ہے کہ اکثر چونک اٹھو گے
کِسی کا بن کے رہنا تو الگ ہے
خود اپنے بھی نہ ہر گِز بن سکو گے
پرانی بات کوئی یاد کر کے
اکیلے میں کبھی تم رو پڑو گے
گماں ہوگا مِرا ہی جب کبھی بھی
گلی میں پاؤں کی آہٹ سنو گے
مِری نادانیوں کو یاد کر کے
کبھی بے ساختہ تم ہنس پڑو گے
کوئی کاندھا نہ جب رونے کو ہو گا
در و دیوار سے لپٹا کرو گے
مرا سایہ ہمیشہ ساتھ ہو گا
جہاں جس جس جگہ بھی تم چلو گے
ہمارا کیا چلے جائیں گے عذراؔ
مگر یہ درد تم کیسے سہو گے
More Love / Romantic Poetry
وہ پھول اپنی کتابوں میں رکھ کے بھول گیا وہ پھول اپنی کتابوں میں رکھ کے بھول گیا
میں اس کے نام کو باتوں میں رکھ کے بھول گیا
وہ ایک خواب جو آنکھوں میں پل رہا تھا کبھی
میں اس کو بند دریچوں میں رکھ کے بھول گیا
تری یادوں کے چراغوں کی روشنی لے کر
میں رات بھر کئی خوابوں میں رکھ کے بھول گیا
تری نگاہ کے نشّے کا کیا کروں آخر
میں دل کو تیری شرابوں میں رکھ کے بھول گیا
بتاؤ ان تری یادوں کا سلسلہ کیا ہے
میں اپنے آپ کو باتوں میں رکھ کے بھول گیا
وہ ایک خط جو محبت کی داستاں تھا کبھی
میں اس کو اپنی کتابوں میں رکھ کے بھول گیا
چھپائے رکھا تھا شہزاد دل میں مدت سے
میں اس کا ذکر بھی باتوں میں رکھ کے بھول گیا
میں اس کے نام کو باتوں میں رکھ کے بھول گیا
وہ ایک خواب جو آنکھوں میں پل رہا تھا کبھی
میں اس کو بند دریچوں میں رکھ کے بھول گیا
تری یادوں کے چراغوں کی روشنی لے کر
میں رات بھر کئی خوابوں میں رکھ کے بھول گیا
تری نگاہ کے نشّے کا کیا کروں آخر
میں دل کو تیری شرابوں میں رکھ کے بھول گیا
بتاؤ ان تری یادوں کا سلسلہ کیا ہے
میں اپنے آپ کو باتوں میں رکھ کے بھول گیا
وہ ایک خط جو محبت کی داستاں تھا کبھی
میں اس کو اپنی کتابوں میں رکھ کے بھول گیا
چھپائے رکھا تھا شہزاد دل میں مدت سے
میں اس کا ذکر بھی باتوں میں رکھ کے بھول گیا
Ab shahzad







