ہونٹوں پہ لئے پیار کے جذبات سجا کر

Poetوشمہ خان وشمہ Submitted byوشمہ خان وشمہ
Text size

ہونٹوں پہ لئے پیار کے جذبات سجا کر
تتلی کوئی نکلی ہے یہ خوشبو سے نہا کر

آنے لگی پھولوں پہ نئی ایک جوانی
کھلتے رہیں محفل میں یہی ایک دعا کر

بکھری ہوئی پھرتی ہوں ، یہاں کوئی نہیں ہے
اے مولا مجھے ایک ، مرا اپنا عطا کر

اب عدل یا انصاف کی امید نہیں ہے
اس شہر کے حاکم سے ذرا دور رہا کر

جب آنکھ کی تحویل میں آنسو ہی نہیں ہیں
کیا لینا ہے پھر دردِ محبت کو بہا کر

چمکے ہیں مرے ساتھ بجھی شب کے ستارے
نکلوں جو اگر چاند کی کرنوں سے نہا کر

Related tags on Parveen Shakir poetry

Copied