ہونی کو تو ہونا ہے (٢)
Poet: UA By: UA, Lahoreہونی کو تو ہونا ہے
پھر کاہے کا رونا ہے
وہ ہی کچھ توکاٹنا ہے
جو کچھ ہم نے بونا ہے
گھبرانے شرمانے سے
ڈر جانے رَک جانے سے
کیا کچھ حاصل ہونا ہے؟
ہونی کو تو ہونا ہے
جو کچھ اپنے بس میں ہے
وہ سب کر کے تو دیکھو
پھر قسمت میں جو بھی ہو
کیا پانا کیا کھونا ہے
قسمت کا لکھا پیارے
کون ٹال سکتا ہے
جو ہونا سو ہونا ہے
ہونی کو تو ہونا ہے
پھر کاہے کا رونا ہے
Rate it: 
Views: 390
07 Sep, 2012
More General Poetry
