یہی اپنی نماز ہے پیارے

اپنا اور لوگوں سے انوکھا انداز ہے پیارے
تم کیا جانو کیسی محبت کی آواز ہے پیارے

ذرا سی شہرت سے تم اتنا اترا رہے ہو
ہمیں تو اپنی گمنامی پہ بھی ناز ہے پیارے

تم سے کوئی پیار بھرا گیت گایا نہ جائےگا
یہ محبت کرنے والوں کا ساز ہے پیارے

ہم اپنی باتوں سے کسی کو خوشی دے سکیں
ہمارے لیے یہ اعزاز کی بات ہے پیارے

ہماری باتوں سے کسی کو رنج نہ پہنچے
اب تو یہی اپنی نماز ہے پیارے

اسے جتنی دباؤ گےاتنی ابھرے گی
یہ تو اصغر کی آواز ہے پیارے