یہ جو آنکھوں کی اس زبان میں ہے
Poet: وشمہ خان وشمہ By: وشمہ خان وشمہ, ملائیشیایہ جو آنکھوں کی اس زبان میں ہے
جانے کیا کیا ترے گمان میں ہے
اک کمی ہے تو تیری خوشبو کی
اور سب کچھ مرے مکان میں ہے
ویسے اڑتی ہوں آسمانوں پر
جسم میرا تو خاکداں میں ہے
کون دیکھے گا آبلہ پائی
وہ تو اپنے ہی اک جہان میں ہے
میں بھی تیار ہوں بچھڑنے کو
وہ پرندے بھی اب اڑان میں ہے
شب کی مٹھی میں ہے اگر جگنو
وشمہ روشن وہ میری جان میں ہے
Rate it: 
Views: 781
10 Dec, 2015
More Love / Romantic Poetry
غزل آنکھوں پہ کھلے حسنِ شفق فام کسی شام
روشن ہوں مرے گھر کے در و بام کسی شام
اے پیکرِ مخمور تری مدھ بھری آنکھیں
کر دیں نہ مجھے بھی قدح آشام کسی شام
دیکھے مجھے حیرت سے پگھلتا ہوا خورشید
سن کر لبِ جاناں سے مرا نام کسی شام
آ جائے مرے پاس وہ مصروفِ زمانہ
مل جائے مری روح کو آرام کسی شام
میں سست روی سے اسے لے جاؤں سحر تک
پڑ جائے اسے مجھ سے کوئی کام کسی شام
بھر کاسۂِ امید کو سوغاتِ یقیں سے
کر دور ملاقات کا ابہام کسی شام
گزرے ہوئے اوقات نہیں آتے کبھی ہاتھ
بہتے ہوئے لمحات قمرؔ تھام کسی شام
روشن ہوں مرے گھر کے در و بام کسی شام
اے پیکرِ مخمور تری مدھ بھری آنکھیں
کر دیں نہ مجھے بھی قدح آشام کسی شام
دیکھے مجھے حیرت سے پگھلتا ہوا خورشید
سن کر لبِ جاناں سے مرا نام کسی شام
آ جائے مرے پاس وہ مصروفِ زمانہ
مل جائے مری روح کو آرام کسی شام
میں سست روی سے اسے لے جاؤں سحر تک
پڑ جائے اسے مجھ سے کوئی کام کسی شام
بھر کاسۂِ امید کو سوغاتِ یقیں سے
کر دور ملاقات کا ابہام کسی شام
گزرے ہوئے اوقات نہیں آتے کبھی ہاتھ
بہتے ہوئے لمحات قمرؔ تھام کسی شام
Qamar Aasi
