یہ داستاں ہے بے نام

میرا خیال تیری زندگی کا عکس ہے
میرے لفظ ترجماں ہیں جذبوں کے
جو کسی پل تھے ہمارے درمیاں رہے
اور جیسے جیسے پل گزرتے جاتے ہیں
میرے قلم کو اور بے چین کر دیتے ہیں
اور میں یہ سوچتا ہوں
یہ الفاظ جو چند جمع کررکھے ہیں
یہ داستاں جو ابھی نامکمل سی ہے
کہیں ان کی کوئی پہچان تو ہو
کوئی ان کا کہیں اک نام تو ہو
اور پھر میں اس داستاں کو
نام تیرے کرنے کا سوچتا ہوں
کیوں کہ تجھی سے لفظ پاکر اک تجھی کو لکھتا ہوں
مگر ڈرتاہوں
یہ داستاں جو ابھی ادھوری سی ہے
تیری شوخ طبیعت پہ یہ گراں نہ گزرے
کہیں تیرے احساس کو ٹھیس نہ لگے
کہیں دل کو تیرے برا نہ لگے
یہ سوچ کر میں نے اس داستاں کو
دل ہی میں اپنے چھپائے رکھا
اور جب لکھا اس کو دل کے کاغذ پر
اک نام اس کو یہ دے دیا
بے نام سی یہ داستاں ہے
گمنام سے الفاظ
اس داستاں کو اب پکاروں گا میں
یہ داستاں ہے بے نام