دیا جیم طرحی مشاعرے

 نیند میری خواب سارے آپ کے
چاند میرا سب ستارے آپ کے

آپ نے چھینی ہے میری زندگی
جی رہی تھی جب سہارے آپ کے

کیسا جادو کر دیا ہے آپ نے
پڑھ رہے ہیں سب سپارے آپ کے

آپ کی آنکھوں میں میرا عکس ہے
میری آنکھوں میں نظارے آپ کے

میری باتوں کی کوئی قیمت نہیں
لفظ جتنے ہیں وہ بھارے آپ کے

اک جہانِ رنگ و بو ہے چار سو
آسمانِ دل پہ تارے آپ کے

زندگی کی آرزو بڑھتی گئی
ہاتھ میں تھے جب غبارے آپ کے

تو بھی وشمہ پیار کو تقسیم کر
تجھ کو چاہیں سب یہ پیارے آپ کے