Aaj K Daur

Aaj K Daur Mai Ay Dost Ye Manzar Kyun Hai
Zakham Her Sar Per Aur Her Ek Haath Mai Patthar Kyun Hai

Jab Haqeeqat Hai K Her Zarre Mai Tuu Rehta Hai
Phir Zameen Per Kahin Masjid To Kahin Mandir Kyun Hai

Apna Anjaam To Maaluum Hai Sab Ko Phir Bhi
Apni Nazaron Mai Her Insaan Sikandar Kyun Hai

Zindagi Jeene K Qaabil Hi Nahi Ab Khuram
Warna Her Aankh Mai Ashkon Ka Samandar Kyun Hai