Aas Paas

Ik Dhundh Si Chhai Hai Nazzaron Ke Aas Paas
Pehra Hai Khizaaon Ka Baharon Ke Aas Paas

Tahqeeq Ki Manzil Tu Bohat Door Hai ,Laikin
Hum Kho Chukay Nigah Sitaaron Ke Aas Paas

Paanay Ki Tamanna Hai Tu Gehraai Main Utro
Miltay Nhin Hain Gohr Kinaaron Ke Aas Paas

Wo Daolat E Nayaab Keh Aansoo Kahain Jisay
Bikhri Pari Hai Dard Ke Maaron Ke Aas Paas

Ujray Huway Chaman Main Teri Yaad Bi Aai
Khiltay Rahay Gulaab Bi Khaaron Ke Aas Paas

Hasil Ke Taqaazay Ko Hai Bas Hosla Darkaar
Sab Jeet Pari Thi Kahin Haaron Ke Aas Paasa