Adaab E Khud Aagahi

Mein Ney Manoos Kiya Khud Ko Terey Naam K Saath
Phir Mujhe Mujh Sey Hi Doori Mein Mazaa Aaney Lagaa

Saari Dunyaa Ko Bhulaa Ker Tujhe Socha Mein Ney
Dor E Gham Qalb Ye Uljhi Huvi Suljhaney Lagaa

Bebasi Duur Se Takti Rahi Lachaar Bani
Mutmayin Dil Mein Sukoon Khud Hi Jagha Paaney Lagaa

Ik Musaafir Thi Jo Purkarb Bani Phirti Thi
Paakey Manzil Ko Jo Dekhaa Tou Ziyaa Chaney Lagaa

Arsh Waalo Chalo Dekho Mera Rutbaa Aakar
Ye Kahaa Mein Ney Unhein Jab Tera Dar Aaney Lagaa

Kya Khudi Sey Hi Judaa Karti Hai Zikr E Allah
Apni Dunya Sey Jo Niklii Wo Mazar Aaney Lagaa