Ahsas Ho Tu Lout Ana

Anjaan Rasto'n Pay Chal Rahy Ho Thak Jao Tu Lout Ana
Ye Be-Wafai Jo Kar Rahy Ho Ahsaas Ho Tu Lout Ana

Muhabato'n Ko Wafao'n Ko Acha Nahi Hy Azmana Itna
Kisi Dill Ko Jo Satana Chaho Sata Chuko Tu Lout Ana

Jab Tumhy Bhi Yaad Aye Aur Be-Bassi Say Ro Parro Tum
Kisi K Kandhy Pay Sir Rakh K Rona Chaho Tu Lout Ana

Muhabato'n Mein Faseel Kaisi Ishq Mein Ana Hy Kiya?
Khamosh Nigahun Ki Iltaja Ko Samj Pao Tu Lout Ana

Zindagi K Iss Safar Mein Bahaar Ruto'n Ki Chahato'n Mein
Udass Ruto'n Mein Weeran Rasto'n Pay Bikharny Lago Tu Lout Ana

Apne Jab Sayraab Thehren Dard Jab Azaab Thehren
Be-Basi Say Kahbi Jo Tum Bhi Duaen Mango Tu Lout Ana

Koi Dill-E-Weeran Amber Muntazir Hy Usi Jaga Par
Bicharrtay Waqat Ki Awaaz Ko Jo Tum Suno Tu Lout Ana