Ajab Waiz Ki Din-Dari Hai
Poet: By Allama Iqbal By: $H@H JI, karachiAjab Waiz Ki Din-Dari Hai Ya Rab
Adawat Hai Ise Sare Jahan Se
Koi Ab Tak Na Ye Samjha K Insan
Kahan Jata Hai Ata Hai Kahan Se
Wahin Se Rat Ko Zulmat Mili Hai
Chamak Taron Ne Pai Hai Jahan Se
Ham Apni Dard-Mandi Ka Fasana
Suna Karte Hain Apne Razdan Se
Bari Barik Hain Waiz Ki Chalen
Laraz Jata Hai Awaz-E-Azan Se
Rate it: 
Views: 434
01 Oct, 2010
More General Poetry
