Apni Hi Zaat Se Jata Hon Bichhar

Khawab Ban Kar Meri Aankhon Mein Theher Sham Dhaly
Kanhi Jugnu Ki Tarah Dil Se Guzar Sham Dhaly

Aa Kabhi Dekh Mere Dil Ke Andhery Tu Bhi
Dard Ban Ke Mere Seeny Mein Utar Sham Dhaly

Khushk Patton Ki Tarah Kabhi Khawbon Ki Tarah
Kitni Bedardi Se Jata O Bikhar Sham Dhaly

Yoon To Veeraan Si Rehti Hain Yeh Piyasi Aankhain
Banney Lagte Hain In Mein Bhanwar Shamdhaly

In Charaghon Se Andhera To Nahi Kam Ho Ga
Chaand Ban Kar Mere Aagan Mein Theher Sham Dhaly

Bain Karty Hain Jab Meri Aankh Mein Khawab Tere
Apni Hi Zaat Se Jata Hon Bichhar Sham Dhaly