Bachaeey Rakhna

Meray ALLAH Meray Daman Ko Bachaeey Rakhna
Meri Izat Meri Azmat Ko Bachaeey Rakhna

Aik Nazarya Jo Meri Rooh Tak Main Shamil Hay
Us Nazarya Kay Her Ehsas Ko Qayam Rakhna

Mera Rasta Meri Manzil Tu Sab Kuch Janta Hay
Meray Qadmoon Ko Bhataknay Say Bachaeey Rakhna

Meri Qismat Main Agar Manzilay Maqsood Nahi
Meri Manzil Ko Meri Rah Main La Kar Rakhna

Mera Her Fail Meray Qoal Pay Sadiq Aaey
Muj Ko Ehsas E Nadamat Say Bachaeey Rakhna

Apni Is Sooch Kay Ehsas Ko Tum Bhi Anjumher
Badaltay Hoaey Musam Say Bachaeey Rakhna