Be Rabt Sochain

Tu Dekh Baharon Main Gulshan Ki Khilti Kaliyaan
Main Dekhta Hoon Apnay Jaltay Huway Ghar Ko

Tu Dekh Gulaabon Main Apna Haseen Chehra
Main Dekhta Hoon In Main Bulbul Ke Muqaddar Ko

Tu Dekh Zara Apna Ye Lehlehaata Anchal
Main Dekh Lonn Ga Yoonhi Urtay Huway Abar Ko

Tu Dekh Zara Apna Paimaan E Wafa Saaqi
Main Dekh Loon Ga Janaan Titli Ke Rang E Par Ko

Tu Dekh Apnay Mehlon Main Kaif E Jaam O Masti
Main Dekhta Hoon Apni Roti Huwi Qabar Ko

Tu Dekh Nasha Apni Ankhon Ka Aainay Main
Main Dil Main Dekhta Hoon Tootay Huway Saghar Ko

Tu Dekh Roshni Pe Martay Huway Patangay
Main Dekhta Hoon Teri Uthti Huwi Nazar Ko

Tu Dekh Ujaalon Main Apni Ye Sokh Hasti
Main Dekh Loon Ga Shab Bhar Shama Ko Ya Sharar Ko

Tu Dekh Zara Apna Aata Huwa Zamana
Main Dekhta Hoon Apni Jaati Huwi Sahar Ko