Chamakte Chaand Ko Toota Hua Tara Bana Dala

Chamakte Chaand Ko Toota Hua Tara Bana Dala
Meri Awargi Ne Mujh Ko Awara Bana Dala

Bara Dilkash Bara Rangeen Hai Ye Shehr Kehte Hain
Yahaan Par Hain Hazaaron Ghar Gharon Mein Log Rehte Hain

Mujhe Iss Shehr Ne Galiyun Ka Bunjara Bana Dala
Main Iss Duniya Ko Aksar Dekh Kar Heyraan Hota Hun

Na Ban Saka Mujh Se Chota Sa Ghar Din Raat Rota Hun
Khudaya Tu Ne Kaise Ye Jahan Sara Banna Dala

Mere Malik Mera Dil Kiyun Tarapta Hai Sulagta Hai
Teri Marzi Pe Kiss Ka Zoor Chalta Hai

Kisi Ko Gul Kisi Ko Tu Ne Angaar Bana Dala
Yahi Aaghaz Tha Mera Yahi Anjam Hona Tha

Mujhe Barbad Hona Tha Mujhe Nakaam Hona Tha
Mujhe Takdeer Ne Takdeer Ka Mara Bana Dala