Dar Badar Ho Sar e Bazaar Mohabbat Kar Lo.

Dar Badar Ho, Sar_e Bazaar Mohabbat Kar Lo
Roz Marna Hai Tu Phir Yaar Mohabbat Kar Lo

HaLat_e Zaar, Shab_e Gham Bhi, LaaL Aankhain Bhi
Sab Samajh Jao Gay, Ek Baar Mohabbat Kar Lo

Khud Kushi K Liye Marna, Koi Lazim To Nahin
Zindgi se Jo Ho Be_zaar Mohabbat Kar Lo

Shaikh Kehte Hain Namazain Parho Sajde Bhi Karo
Hum Ye Kehte Hain Gunahgaar Mohabbat Kar Lo

Es Qadar Raat Gaye, Shabb SawaaL Karti Hai
Tum se Kis Ne Kaha Tha Yaar Mohabbat Kar Lo