Dastaar Bachata Hun To Sar Jaata Ha

Dastaar Bachata Hun To Sar Jaata Ha
Yh Souch Kr Hi Lahoo Aankh Men Dhar Aata Ha

Main Us K Haq Men Koi Faisla Nahi Chahta
Magar Yh Dil Ha K Har Baar Mukar Jaata Ha

Amal Ki Baat To Laazim Ha Magar Niyat Se
Isi Waja Se Duaon Men Asar Jaata Ha

Idhar To Aa K Tujhe Khuld Nazar Aaye Gi
Mere Raqeeb Jahanum Men Kidhr Jaata Ha

Main Haq Ki Baat Krun Ya Khudi Ki Baat Krun
Mera Zameer Isi Souch Men Mar Jaata Ha

Nikalne Ka Wo Dil Se Naam Tak Nahi Letaa
Zraa C Baat Pe Jo Dil Se Utar Jaata Ha

Yh Talkh Baat Nahi Ha Magar Haqeeqat Ha
Din Tujhe Souche Bina Acha Guzar Jaata Ha

Kalaam Likhta Ha Tere Liye Razii Lakin
Teri Taraf Nahi Jata Yh Bikhar Jata Ha