Dil E Man Musafir E Man

Mere Dil Mere Musaafir Huaa Phir Se Hukm Saadir
Ke Vatan Badar Hon Ham Tum

Den Galii Galii Sadaayen
Karen Rukh Nagar Nagar Ka

K Suraag Koii Paayen
Kisii Yaar-E-Naamaabar Kaa

Har Ek Ajanabii Se Puuchhen
Jo Pataa Thaa Apane Ghar Kaa

Sar-E-Kuu-E-Naashanayan
Hamen Din Se Raat Karna

Kabhii Is Se Baat Karna
Kabhii Us Se Baat Karna

Tumhen Kyaa Kahuun Ke Kyaa Hai
Shab-E-Gam Burii Balaa Hai

Hamen Ye Bhii Thaa Ghanimat
Jo Koii Shumaar Hota

Hamen Kyaa Buraa Thaa Marna
Agar Ek Baar Hota