Ghazal

جب سے تیرا نہ ہو سکا ہوں میں
تب سے خود کا بھی کب رہا ہوں میں

تجھ کو پہچانتا میں کیوں کر آج
خود سے انجان ہو گیا ہوں میں

خود بھی لوٹا نہیں میں پاس اپنے
اسے بھی پھر نہیں ملا ہوں میں

شاعری شوق کب بھلا میرا
جو کہ پایا نہ وہ جتاتا ہوں میں

سبھی پاگل سمجھتے ہیں مجھ کو
سب کو پاگل بنا رہا ہوں میں

اب کتابوں سے دوستی ہے مری
اب کتابوں سے روٹھتا ہوں میں

اس سے کہنا کہ مت بجھائے مجھے
اس سے کہنا کہ اک دیا ہوں میں

تیرے دل میں بھلے رہا نہ رہا
تیری آنکھوں میں رہ گیا ہوں میں

وہ منا لے گا میری ہار کا جشن
اسے بولو کہ گر چکا ہوں میں