Hai Mashq-E-Sukhan Jaarii

Hai Mashq-E-Sukhan Jaarii Chakkii Kii Mushaqqat Bhii
Ek Turfaa Tamaashaa Hai "Hasrat" Kii Tabiiyat Bhii

Jo Chaaho Sazaa De Do Tum Aur Bhii Khul Khelo
Par Ham Se Qasam Le Lo Kii Ho Jo Shikaayat Bhii

Khud Ishq Kii Gustaakhii Sab Tujh Ko Sikhaa Degii
Ai Husn-E-Hayaa-Parvar Shokhii Bhii Sharaat Bhii

Ushaaq Ke Dil Naazuk Us Shokh Kii Khuu Naazuk
Naazuk Isii Nisabat Se Hai Kaar-E-Muhabbat Bhii

Ai Shauq Kii Bebaakii Vo Kyaa Terii Khvaahish Thii
Jis Par U.Nhe.N Gussaa Hai I.Nkaar Bhii Hairat Bhii

Hai.N 'Shad'-O-'Safi' Shaayar Yaa 'Shauq'-O-'Wafa' "Hasrat"
Phir 'Danish'-O-'Mahashar' Hai.N 'Iqbal' Bhii 'Vahashat' Bhii