Hai Yakeen

Hai Yakeen Wo Talabgaar To Nahi Ho Sakta
Sodagar Ho Sakta Hai Kharidaar To Nahi Ho Sakta

Seene Mai Tootkar Chubhta Bhi Nahi Hai Kambakht
Dil Mera Uska Tarafdaar To Nahi Ho Sakta

Mujhko Thukra Ke Wo Pardanaseen Bana Ghoome
Wo Iss Qadar Bhi Sharmsaar To Nahi Ho Sakta

Mere Askhon Se Hii Dooba Hai Safeena Mera
Jurm-e-sar-o-samandar-e-Majhdhaar To Nahi Ho Sakta

Ab Wafaaon Ko Bhi Nilaam Kiya Jaayega
"ShamS" Ye Kaam Sar-e-Bazaar To Nahi Ho Sakta