Hum Aur Chaand Hun Jab Saath

Hum Aur Chaand Hun Jab Saath, Tu Phir Baat Hogi
Aa Jaye Wasal Ki Wo Raat, Tu Phir Baat Hogi

Abhi Seeny Sy Lagy Rehny Do,Roo Lainy Do
Tham Jaye Ashkon Ki Barsaat, Tu Phir Baat Hogi

Wo Khafa Bhi Hain Tu Hum Ko Manana Aata Hai
Ho Jaye Un Sy Mulaqaat, Tu Phir Baat Hogi

Mujhy Tark E Mohabbat Ki Naseehat Krny Walon
Aa Jayain Tum Pe Ye Halaat, Tu Phir Baat Hogi

Tum Mujhy Shauq Sy Aaj Taana E Tanhai Do
Haath Mai Ho Ga Jab Wo Haath, Tu Phir Baat Hogi

Meri Jaan Mujhy Mai Hoosla Hai Jawab Dainy Ka
Poory Kr Lo Tum Sawalaat, Tu Phr Baat Ho Gi

Sajjad In Choti Si Baaton Ka Bura Maan-Na Mat
Baat Sy Ban Jaaye Jab Baat, Tu Phir Baat Ho Gi