Is Haweli Ki Sab Se Ooper Wali Manzil Per

Is Haweli Ki Sab Se Ooper Wali Manzil Per
Shaam Sawere Ik Shama Jalti Rehti He

Us Shama Ke Ird Gird Parwanon Ki Ghurmat He
Or Uljhi Laton Wali Koi Kuch To Likhti Rehti He

Sard Mosam Me Ab Sab Hi Chadar Orhte Hen
Per Wo Nadan Ab Bhi Wafa Dhondti Rehti He

Tm Saqi Ho,Tm Qatil Ho Phir Bhi Mere Sathi Ho
Socho To Wo Kis Ko Ye Keh Ke Bulati Rehti He

Wo Pagal He Deewani He Ya He Wo Band Gali
Wo Thande Pani Per Koile Sulgati Rehti He

Wo Ahle Qalam Ko Bhi Jahil Hi Bana Degi
Wo Khud Ko Apni Manzil Se Khud Hi Behkati Rehti He