Jab Seena Gham Say Bojhal Ho

Jab Seena Gham Se Bojhal Ho
Aur Yaad Kisi Ki Aati Ho 

Tab Kamre Mein Band Ho Jana
Aur Chupke Chupke Roo Lena 

Jab Aankhein Bhaari Ho Jaayen
Aur Yaad Mein Meri Bhar Aayen 

Phir Khud Ko Dhoka Mat Dena
Aur Chupke Chupke Roo Lena 

Jab Palken Qurb Me Mondi Hon
Aur Sab Samjhen Tum Soye Ho 

Tab Chehre Par Takiya Rakh Lena
Aur Chupke Chupke Roo Lena 

Yeh Duniya Zalim Duniya Hai
Yeh Baat Bohat Phelaye Gi 

Tum Sab Ke Saamne Chup Rehna
Aur Chupke Chupke Roo Lena 

Jab Baarish Chehra Dho Daale
Aur Ashq Bhi Bonden Lagte Hon 

Woh Lamha Hargiz Mat Khona
Aur Chupke Chupke Roo Lena