Jayenge Door Tak Jo Khayalo'n K

Jayenge Door Tak Jo Khayalo'n K Silsilay
Khud Unsay Aa Milengay Ujalo'n K Silsilay

Kutch Isliye Bhi Ho Gaye Ghosha Nasheen Ham
Hadd Se Hi Barh Chalay Thai Sawalo'n K Silsilay

Fursat Nahee'n K Pursishay Ahwaal Kar Sakay
Ham Jantay Hain Bhoolnay Walo'n K Silsilay

Raah E Wafa Katthan Hai Sambhal Kar Chalo Yaha'n
Lamho'n Mai Toot Jate Hain Saalo'n K Silsilay

Dunya Teray Faraib Mai Aanay K Ham Nahee'n
Ham Ne Bohot Parhain Hain Risalo'n K Silsilay

Muddat K Baad Aaye Hain Ghar Ko Jo Laut Kar
Paye Hain Muntazir Wahee Jalo'n K Silsilay

Tai Jab Talak Na Ho Ye Bayaban E Zindagi
Pairo'n K Sath Sath Hain Chhalo'n K Silsilay