Jo Dekhne Ka Tumhein Ehtmaam Karte Hein

Jo Dekhne Ka Tumhein Ehtmaam Krte Hain
Zameen Se Jhuk K Sitaray Kalaam Krte Hain

To Aao Aj Se Hum Ek Kaam Krte Hain
Wafa K Naam Sabhi Subh-O-Shaam Krte Hain

Ye Rasta Hai Magar Hijrati Parindo Ka
Yahaan Samay Ke Musafir Qayyaam Krte Hain

Wafa Ki Qabar Pe Kb Tak Isse Jala Rakhein
So Ye Chiraagh Hawaaon Ke Naam Krte Hain

Ye Ehl-E-Dil Ki Basti Hai , Zargaron Ki Nahi
Yahan Dilon Ka Bohat Ehtraam Krte Hain

Na Ghar Se In Ko Hai Nisbat Na Koi Naam Se Kaam
Dilon Mein Bastay , Nazar Mein Qayyaam Krte Hain

Rivaaj-E-Ehl-E-Jahaan Se Inhein Nahi Matlab
K Ye To Rasm-E-Mohabat Ko Aam Krte Hain

Jahan Mein Hotay Hain Aisay Bhi Kuch Hunar Walay
Jo Ik Nigaah Mein "Amjad" Ghulaam Krte Hain