Kaash To Nay Meray Liye

Kaash To Nay Meray Liye Kabhi To Kalam Thaama Hota
Tassavor Main Saath Saath Honay Ka Hassen Sama Baandha Hota

Apni Her Tehreer Tu Nay Meray Naam Ki Hoti
Lafzon Kay Saharay Apni Chahat Ayyan Ki Hoti

Apni Her Nazm Ko Tanhaayon Main To Parhta
Hurroof Main Meri Shabeeh Pata Mujh Say Baatain Kerta

Auron Kay Saamnay Tu Her Baat Raaz Rakhta
Haathon Ki Zabbani Bolta Chup Ka Roza Rakhta

Bas Kalam Ko Apnay Dil Ka Haal Sunnata To
Khaali Kaghaz Ko Meri Yaadon Say Sajata To

Likhtay Likhtay Teray Kalam Ki Sayyahi Khatam Hoti
Teri Adhoori Nazm Dekh Ker Mujhay Teri Muhabbat Ki Kadr Hoti