Kamal_E_Zabt To Main Khud Bhi To Aazmaon Gi.

Kamal_E_Zabt To Main Khud Bhi To Aazmaon Gi
Main Apne Hathon Se Us Ki Dulhan Sajaon Gi

Supurd Kar Ke Use Chaandni Ke Haathon
Main Apne Ghar Ke Andheron Ko Lout Aaon Gi

Badan Ke Karb Ko Wo Bhi Samajh Na Paaye Ga
Main Dil Mein Roun Gi Aankhon Mein Muskuraon Gi

Wo Kiya Gaya Ke Rafaqat Ke Sara Lutf Gaya
Main Kis Se Rooth Sakon Gi Kise Manaon Gi

Wo Aik Rishta_E_Benaam Bhi Nahin Lekin
Main Ab Bhi Us Ke Ishaaron Pe Sar Jhukaon Gi

Ab Us Ka Fan To Kisi Aur Se Mansoob Hua
Main Kis Ki Nazam Akele Mein Gungunaon Gi

Jawaz Dhoond Raha Tha Naya Mohabbat Ka
Wo Keh Raha Tha Ke Main Us Ko Bhool Jaon Gi

Samaton Mein Ghanay Janglon Ki Saansein Hain
Main Ab Kabhi Teri Aawaz Sun Na Paon Gi