Khayal

Khayalon Ko Alfaz Ki Chadar De Dena

Yaad Aaoon Main To Kahin Naam Likh Dena

Teri Zulf Ka Main Aseer Ho Gaya Hoon

Baat Karni Ho Gar To Zulfain Bekher Dena

Hota Hai Din Yahan To Teri Chashmagi Se

Jab Raat Karni Ho Aankhain Band Kar Dena

Hota Hai Chaman Pareshan Teri Udasi Per

Tum Khush Holena Baagh Main Phool Khila Dena

Teri Hansi Per Yahan Badalte Hain Mausam

Tum Muskura Kar Baharon Ko Sharma Dena

Tere Gaalon Se Yahan Ke Jalte Hain Gulab

Tum Ghusa Dikha Kar Unhain Khaak Kar Dena

Baton Se Teri Rehti Hai Yahan Ronaq

Tanhaiyan Apni Tum Mujhe De Dena

Tere Haath Rakhne Se Aagayi Mujh Main Jaan

Woh Maujza-E-Maseehayi Zara Phir Se Dikha Dena

Teri Khushboo Se Hai Yeh Karvan-E-Zeest

Tere Ishare Per Hai Qubool Yeh Jaan De Dena

HASSAN To Hai Yahan Zaleel-O-Khuwar

Tum Naam Le Kar Urooj De Dena