Khuli Jo Aankh

Khuli Jo Aankh Tu Woh Tha Na Woh Zamana Tha
Bharakti Aag Thi Tanhai Thi Fasana Tha

Ghamon Ne Bant Liya Mujhe Yun Apas Mein
K Jesay Mein Koi Luta Howa Khazana Tha

Yeh Kiya Chand Hi Qadmon Pe Thak K Beth Gaye
Tumhein Tu Saath Mera Door Tak Nibhana Tha

Mujhe Jo Mere Lahoo Mein Doobo K Guzra Hai
Woh Koi Ghair Nahi Yaar Ek Purana Tha

Khud Apne Hi Haath Say Usko Kaat Diya
K Jis Darakht Ki Tehni Pe Aashiyana Tha