Kisi Ko Chorna

Zidon Sameit Kabhi Dil Ko Chorna Ho Ga
Ye Aaina Kisi Pathar Pe Torna Ho Ga

Yehi Nahi K Humain Tor Kar Gia Hai Koi,
Usay Bhi Khud Ko Bahut Deir Jorna Ho Ga,

Tulli Hoi Hai Bahut Sar Kashi Pe HIJAR Ki Rutt,
Ye Rutt Rahi To Kahein Sar Hi Phorna Ho Ga,

Qareeb Sahil-E-Daria Bichi Hai Piyas Meri,
Hiwas Ko Daman-E-Daria Nichorna Ho Ga!

Talab Ko Too Na Mile Ga To Aur Log Bahut,!
Kisi Taraf To Ye Toofan Bhi Morna Ho Ga,

Kabhi Mata-E-Safar Tha Jo Dilruba MOHSIN,
Khabar Na Thi Usay Raste Mein Chorna Ho Ga