Labon Pe Phool Khilte Hain

Labon Pe Phool Khilte Hain Kisi K Naam Se Pehle
Dilon K Deep Jalte Hain Chirag-E-Shaam Se Pehle

Kabhi Manzer Badalne Per Bhi Qisa Chal Nahein Pata
Kahani Khatam Hoti Hai Kabhi Anjaam Se Pehle

Yaha Taare Tumhare Aankh Ki Chilman Main Rehte The
Yaha Soraj Nikalta Tha Tumhare Baam Se Pehle

Dilon Ki Jagmagati Bastian Ta Raaj Kerti Hain
Yehe Loog Jo Lagte Hain Nihayat Aam Se Pehle

Hoi Hai Shaam Jangal Main Parinde Lout'te Hon Ge
Ab On Ko Kis Tarha Rokain Nawa-E-Daam Se Pehle

Ye Sare Rang Murda The Tumhare Shakal Bannane Tak
Ye Sare Harf Muhmil The Tumhare Naam Se Pehle

Howa Hai Wo Ager Munsaf To Kamran Eihtiyatan Hum,
Saza Tasleem Kerte Hain Kisi Ilzaam Se Pehle