Mai Admi Hu Aam Sa

Main Admi Hon Aam Sa
Ik Qissa Hon Natamam Sa

Na Lehja Bey Misal Hy
Na Bat Me Kamal Hy

Hoon Daikhne Me Aam Sa
Udasiyun Ki Sham Sa

Jaise Ik Raz Hon
Khud Se Bey Niyaz Hon

Na Mehjabeeno Se Rabt Hy
Na Shorato Ka Zabt Hy

Ranjha Na Qais Hon
Insha Na Faiz Hon

Me Paikar-E-Ikhlas Hon
Wafa,Dua,Or Aas Hon

Me Shaks Khud Shanas Hon
Ab Tm Hi Karo Faisla

Me Aadmi Hon Aam Sa
Ya Phr Boht Hi Khas Hon