Mere Pyaare Watan

Mere Pyaare Watan Mai Ye Bharstachaar Q Hai
Hain Jinke Paas Degreeyaan Wahi Bekaar Q Hain

Bhari Hain Jholiyaan Na Jaane Kitne Wehshiyon Ki
Jo Hain Masoom Bolo Yaaron Wo Hi Lachaar Q Hain

Ameeron Ke Isharon Pe Badal Jaate Hain Rukh  Bhi
Gareebon Ki Hi Ansuni Yahan Darkaar Q Hai

Bohat Bejaan Hain Mere Watan Ki Tang Galiyaan
Batao Koi To Beparwah Ye Sarkaar Q Hai

Kisi Ko Maar Di Goli Mara Dehshat Se Koi
Ye Hi Aalam Ye Hi Manzar Kaho Har Baar Q Hai

Rahein Aapas Mai Milkar Ekta Ban Jaayein Hum Sab
Bhala Iss Baat Se Sab Ko Hi Inkaar Q Hai

Aham Mudda Ye Hi Hai Sab Isi Ka Zikr Chedo "Shams"
Ke Tere Haath Mai Lathi Mere Haath Mai Takwaar Q Hai