Mojza

 Mujhe Mojzoun Pe Yaqeen He
Magar, Is Qadar He Khabar Mujhe

Keh Tamam Tar Mere Chahtien
Tere Pass Aane Ke Khahishien
Mere Chahien Jaane Ke Hasratien
Mere Shub Guzeeda Muhabatien
Usi Harfe Kun Ke Talash Mein
Hein Dhuwaan Dhuwaan Se Riazatien

Mere Khab Hein Abhi Muntashir
He Talaash Keh Koi Deeda Wer

Mere Subho Shaam Ujaal De
Mere Khahishoun Ko Kamaal De
Mere Hasratoun Ko Wisaal De
Mere Walwaloun Ko Jalaal De

Woh Kamaal-E Subh-E Khayaal De
Jo Mere Shub-O Ko Hiaal De

Mein Kia Karoun Ke Karamatien
Sub He Mojzoun Ke Hikayatien

Mere Teera Shub Se Gureez Pa
Mere Chahtoun Se Naashna

Nah Tilissem-E Sahir-E Samiree
Nah Janoon-E Laila-E Aamri

Nah To Tou He Mere Naseeb Mein
Nah Seher He Mere Naqeeb Mein

Mujhe Yun He Rehna He Jaan Ba Lub
Mujhe Jaagna He Tamaam Shub

Sir-E Shaam Subhe Libaas Mein
Kisi Mojze Ke Talash Mein